Hanoin Hikas

Holarua* hateke momós husi leten ás

uza matan manu-fuik nian hodi haree.

 

Ha’u haree hetan memória beiala nian hakoi ho monok

iha ai-kafé tuan maran dekor ida ninia okos.

 

Iha fatin hakmatek ida ne’e, hau koko bolu hikas hau-nia dadolin labarik nian

ne’ebé tolan tomak tiha ona husi spasu no tempu.

 

Ho isin lolon, hau forsa la’ek maibé ho spíritu ha’u bele

bainhira rai-klaran hakalma-an iha kalan malirin ne’ebé naruk.

 

Klamar hau-nian to’o ba iha mundu deskoñesidu

no hatutan ha’u-an-rasik ba iha memória nia hu’un.

 

Buat ne’ebé ha’u hanoin hikas mak uma lulik tradisional ida

ne’ebé laiha odamatan, iha janela deit.

Janio Tilman

*Holarua nu’udar sidade ki’ik ida iha Distritu Manufahi. Suku ida ne’e mak odamatan boot tama ba Distritu.

IMG_9778 (1)

Photograph by Janio Tilman